Ons wil graag vir ons volwasse breingestremde kinders, wat ons die lewensliggies noem, ‘n tuiste vir hul toekoms bied.  Wat moet van hulle word as die ouers nie meer daar is nie. Vir die ouers van die Vaaldriehoek is dit regtig ‘n kopseer.  Waglyste by oorde waar hulle versorg kan word is tot vyf jaar. Sodra kinders wat in sentrumsin die Vaal Driehoek die ouderdom van 18 jaar bereik moet hulle die skool verlaat. Skielik is hulle alleen en moet hulle by die huis bly want daar is nie ‘n plek waar hulle kan werk of mekaar se geselskap kan geniet nie.

Ons is ‘n groepie ouers wat begin het om die lewensliggies bymekaar te bring.  Hulle word besig gehou met verskillende handwerke.  Die dogters doen naaldwerk, breiwerk, lapverfwerk, krale ryg, en nog wat waarin die kinders belang stel.  Die seuns doen houtwerk deur artikels te verf en decoupage te doen, mosaic, verf op teëls en ook lapverf.  Hulle word nie gedwing om elke dag dieselfde dinge te doen nie maar om verskeidenheid aan te leer en so gelukkige volwasse mense te wees.  Die artikels word by uitstallings verkoop vir fondse wat ons gebruik om weer voorraad ens aan te koop.

Ons het in Februarie 2008 begin met 5 volwassenes.  Vandag is ons 22 ingeskrewe liggies.  Ons kry navrae van ver vir volle versorging van volwassenes wat geen heenkome het nie.  Plaaslik het ons kinders van Sasolburg en Vereeniging wat graag wil kom maar nie by ons kan kom nie.


Ons Nood op die oomblik is as volg:

• Ons nood op die oomblik is dat ons meer spasie nodig het om al die Lewensliggies te akkomodeer. Daarvoor moet daar verbouings gedoen word om meer werksplek te he vir elke dag se samekoms. Daar is ook nog Lewensliggies wat saam met ons wil kom werk vanaf 2010. Vir bydrae tot die projek sien ons bydrae bladsy.

• Ons grootste nood is ‘n bussie (± 24 sitplek). ‘n Plaaslike ouetehuis het hulle bussie vir ons aangebied om die persone te vervoer maar die is toe in Desember 2008 gesteel en nou word hulle met karre aangery.  Party dae drie roetes per ouer. Sodra ons ‘n bussie kan bekostig kan ons al daardie persone gaan haal en kan ons baie groei. Vir bydrae tot die projek sien ons bydrae bladsy.

Eerstens moet daar ‘n koshuis in Vanderbijlpark gebou word met ‘n werkswinkel waar hulle sinvol besig gehou kan word. Ons wil graag die koshuis huislik hou deur verskillende huise te bou wat elkeen dan 12 persone huisves. ‘n Huismoeder sal ook in dieselfde huis woon om toesig te hou.  Verder om te help as hulle hulp van enige aard benodig. ‘n Gesamentlike kombuis en eetsaal is noodsaaklik, asook ‘n ontspanningsarea wat gebruik kan word vir die saam kuier in die middae.

Van die twee en twintig wat ons hier het woon drie in ‘n plaaslike ouetehuis.  Die Lewensliggies is by ons net van 8h00 tot 13h00, 5 dae per week.  Nog een is alleen in ‘n huis met net ‘n huishulp wat hom versorg.  Albei sy ouers is oorlede en ek neem aan die huis is vir hom nagelaat. Ons kan net weer sê dat so ‘n kompleks in die Vaaldriehoek regtig ‘n groot behoefte is.

As u sou belangstel om enige skenkings of bydrae tot die sentrum te lewer kan u ons kontak.

Lewenslig Sentrum

20 Carter Straat
Vanderbijlpark
1911

(016) 982 2069

Ons Bank besonderhede vir Kontant Skenkings is as volg:

Rekening Naam:    Lewenslig
Institusie:             ABSA Bank
Tak:                    Vanderbijlpark Tak
Tak kode:            632005
Rekening Nommer:9194945092
Tipe:                   Spaarrekening

E-Pos asb bewys van betaling indien u 'n skenkings sertifikaat benodig aan This e-mail address is being protected from spambots. You need JavaScript enabled to view it